ទូដកប្រាក់ ATM របស់ធនាគារ ABA នៅមុខប្រៃសណីយ៍កម្ពុជាដែលស្ថិតនៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ ។
រាជធានីភ្នំពេញ ៖ នៅវេលាម៉ោង៣និង៥៥នាទីរសៀល ថ្ងៃទី១១ ខែឧសភា ឆ្នាំ២០១៧ មុននេះបន្តិចមានការភ្ញាក់ផ្អើលដែលបង្កឡើងដោយបុរសជនបរទេសម្នាក់ដែលបានវាយបំបែកទូដកប្រាក់ ATM របស់ធនាគារ ABA នៅមុខប្រៃសណីយ៍កម្ពុជាដែលស្ថិតនៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ ។
តាមប្រភពបានឱ្យដឹងថា បុរសជនបរទេសរូបនោះស្ថិតក្នុងស្ថានភាពស្រវឹងហើយបានចូលទៅដកប្រាក់ពីទូ ATM ដែលស្ថិតនៅក្នុងទីតាំងខាងលើ ស្រាប់តែជននេះបានវាយបំបែកទូ ATM បណ្តាលឱ្យរងការខូចខាត ហើយបានព្យាយាមរត់គេចតែត្រូវកងកម្លាំងសន្តិសុខ និងកម្លាំងនគរបាលធ្វើការឃាត់ខ្លួនបាន ។
សូមបញ្ជាក់ផងដែរថា បុរសដែលជាជនបរទេសរូបនោះត្រូវបានគេដឹងថា ជាជនជាតិណូវ៉េ តែមិនទាន់បានស្គាល់អត្តសញ្ញាណពេញលេញនៅឡើយដោយសារជននេះត្រូវសមត្ថកិច្ចឃាត់ខ្លួនយកទៅកាន់អធិការដ្ឋាននគរបាលខណ្ឌដូនពេញដើម្បីធ្វើការសួរនាំ ។
សូមបញ្ជាក់ផងដែរថា បុរសដែលជាជនបរទេសរូបនោះត្រូវបានគេដឹងថា ជាជនជាតិណូវ៉េ តែមិនទាន់បានស្គាល់អត្តសញ្ញាណពេញលេញនៅឡើយដោយសារជននេះត្រូវសមត្ថកិច្ចឃាត់ខ្លួនយកទៅកាន់អធិការដ្ឋាននគរបាលខណ្ឌដូនពេញដើម្បីធ្វើការសួរនាំ ។
អត្តបទពីកោះសន្តិភាព
